2009/04/12

مصر جابت جاز

يعني أنا تاعب نفسي و عمال أقول نغيّر المحطة و نحاول نسلط الضوء علي حاجات إيجابية في البلد.
و في الأخر ألاقي ناس في برنامج العاشرة مساء و مجلس الشعب بيناقشوا إذاعة أحكام الإعدام في التلفزيون.
يعني خلاص ... إحنا وصلنا للمستوى ده ؟!

بس ياريت يبقوا ساعتها يجيبوا مدحت شلبي يعلق على ماتشات الإعدام ديه.
و مش بعيد تحقق نسبة مشاهدة أعلى من المصارعة الحرة.
وممكن كمان عشماوي يتشهر و يمثل في السينما.

واضح إن مصر جابت جاز فعلا.

2009/04/04

غير المحطة و القسمة على أربعة

زي مانتو عارفين ... غيّر المحطة هي دعوة للكتابة عن أحد الأشياء الجيدة في بلدنا
و الموضوع ده بيكون في اليوم إل رقمه زي رقم الشهر

لكن نسيت أقول لكم إن لو اليوم و الشهر بيقبلوا القسمة على أربعة يبقى الشهر ده مافيهوش غير المحطة

يعني شهر أبريل و أغسطس و ديسمبر أجازة عشان شهور كبيسة من وجهة نظر المحطة

و كل شهر و إنتو طيبين